Bu gün şəhərimizdə "Vətən" müharibəsinin şəhidi Mustafalı Əlizamin Valeh oğlunun  anım günü qeyd olunub.
Sumqayit.tv xəbər verir ki, mərasim şəhidin məzarının Şəhidlər Xiyabanında ziyarət olunması ilə başlayıb. Daha sonra isə şəhərimizdə yerləşən mərasim evlərinin birində ehsan süfrəsi verilərək davam edib. Mərasimdə quran oxunub, şəhidlərimizin ruhlarına dualar edilib. Anım günündə şəhidimizin ailə üzvləri ilə yanaşı, şəhid-general Polad Həşimovun anası, Səmayə xanım, Ümid Xeyriyyə Cəmiyyəti, Qazax Xeyriyyə Cəmiyyəti, İsmət Qayıbov adına 1 saylı məktəbin kollektivi, İcra nümayəndəsi, N saylı hərbi hissənin hərbçiləri, olmaqla digər şəhid ailələri, şəhidimizin qohumları iştirak ediblər. 
Xatırladaq ki, Əlizamin Mustafalı Valeh oğlu 13 iyul 1997-ci ildə Beyləqan rayonunda anadan olub. 2003-2012-ci illərdə orta təhsilini, Sumqayıt şəhər İ.Qayıbov adına 1 nömrəli tam orta məktəbində alıb. 2012-ci ildə 3 nömrəli peşə liseyinə daxil olmuş və 2015-ci ildə bitirmişdir.Əlizamin Mustafalı 2015-ci ildə Azərbaycan Silahlı Qüvvələrinin sıralarında müddətli həqiqi hərbi xidmətə çağrılıb. Hərbidə ixtisası DŞK pulemyot atıcısı olub. 2017-ci ildə hərbi xidməti uğurla başa vurub. 2020-ci il iyul döyüşləri zamanı General Polad Həşimov şəhid olandan sonra cəbhədə döyüşmək üçün könüllü yazılıb.
Azərbaycan Ordusunun əsgəri olan Əlizamin Mustafalı 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsidə Cəbrayıl, Füzuli və Xocavənd istiqamətində gedən döyüşlərdə olub. Əlizamin Mustafalı oktyabrın 21-də Hadrut istiqamətində gedən döyüşlər zamanı şəhid olub. Sumqayıt Şəhidlər Xiyabanında dəfn olunub.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Əlizamin Mustafalı ölümündən sonrabir sıra medallarla təltif olunub. 
O cümlədən  Azərbaycan Prezidenti İlham Əliyevin 25.12.2020-ci il tarixli Sərəncamına əsasən,  Əlizamin Mustafalı ölümündən sonra Füzuli, Cəbrayıl, Xocavəndin azad olunlasına görə, "Vətən uğrunda", "Cəsur döyüşçü" və "İgidliyə görə" medallar ilə təltif edilib. 
Ruhun şad olsun, Vətənimizin mərd oğlu!
Müxbir: Vəsiqə Dadaşova