Bu gün 27.09.2020-ci il tarixində başlayan Vətən müharibəsi zamanı şəhid olan əsgər Həsənquliyev Səbuhi Əlixan oğlunun anım mərasimi keçirilib. 
Sumqayit.tv xəbər verir ki, şəhidimizin anım mərasimi Şəhidlər Xiyabanında məzarını ziyarət edilərək başlayıb, sonra isə mərasim evlərinin birində ehsan süfrəsi verilərək davam edib. Tədbir şəhidlərimizin ruhlarına 1 dəqiqəlik sükutla və Azərbaycan Respublikasının Himni ilə başlayıb.  Mərasimdə Hərbi prokurorluğun əməkdaşları,
İcra nümayəndələri,
Beyləqan rayonunun hərbi komandiri, qazilərimiz, Sumqayıt Şəhər Cümə məscidinin axundu Hacı Rauf Sərdarov, "Mənim oğlum qəhrəmandır" layihəsinin rəhbəri Cəlal Qurbanov, şəhidimizin sinif yoldaşları, dostları, qohumları və şəhid ailələri iştirak ediblər
Xatırladaq ki, Səbuhi Həsənquliyev 11.04.2002-ci ildə Ucar rayonunun Boyat kəndində anadan olub. 2008-ci ildə Sumqayıt şəhər Cəbrayıl rayonu 5 nömrəli məktəbində birinci sinifə başlayıb. 2017-ci ildə həmin məktəbin 9-cu sinifini bitirərək peşə liseyinə daxil olur. 2020-ci ildə peşə liseyini bitirdikdən sonra həmin ilin aprel ayında hərbi xidmətə yollanıb. Səbuhi Böyük Vətən Müharibəsi zamanı xüsusi şücayət göstərmiş və Şuşa istiqamətində gedən döyüşlər zamanı yaralı komandirini xilas edən zaman şəhidlik məqamına ucalmışdır. İlham Əliyevin sərəncamına əsasən Həsənquliyev Səbuhi ölümündən sonra "Vətənə xidmətə görə" ordeni ilə, "Vətən uğrunda", "İgidliyə görə", "Cəbrayılın azad olunmasına görə",  "Şuşanın azad olunmasına görə",  "Füzulinin azad olunmasına görə", "Xocavəndin azad olunmasına görə" və "Şuşanın azad olunmasına görə"  medalları ilə təltif edilib.
Ruhun şad olsun, Vətənimizin mərd oğlu!

Jurnalist:Vəsiqə DADAŞOVA