Yunan-roma güləşi üzrə Sumqayıt çempionatının qalibləri müəyyənləşib
Sumqayit.tv xəbər verir ki, Sumqayıt şəhər Gənclər və İdman Baş İdarəsinin təşkilatçılığı ilə "Alüminiumçu” İdman Evində "Sumqayıt gəncləri narkomaniyaya yox deyir” devizi altında Yunan-roma güləşi üzrə şəhər çempionatı keçirilib. 60-dan artıq idmançının iştirak etdiyi çempionatın qalib və mükafatçıları bəlli olub. Qaliblər cari ilin dekabr ayında keçiriləcək Azərbaycan çempionatında iştirak etmək hüququ əldə ediblər.
Qeyd edək ki, tədbirin təşkilatçıları qalib idmançılara şəhər Gənclər və İdman Baş İdarəsinin tərəfinfən fəxri fərman, medal və hədiyələr təltif olunub.