"Rəqibdən asılı olmayaraq, istənilən komanda ilə oyuna hər zaman ciddi, diqqətli və ən yaxşı şəkildə hazırlaşırıq. Amma çempionatın lideri ilə görüş fərqli hisslər oyadır".
Sumqayit.tv xəbər verir ki, "Report"un məlumatına görə, bunu "Sumqayıt"ın braziliyalı futbolçusu Dieqo Karioka Azərbaycan Premyer Liqasının XXVII turunda "Sumqayıt"a qarşı keçirəcəkləri oyun barədə ölkəsinin mətbuatına açıqlamasında deyib.
25 yaşlı hücumameylli yarımmüdafiəçi Ağdam təmsilçisinin əla komanda olduğunu bildirib: "Rəqibə hörmət edirik. Lakin qarşıya qoyulan hədəfdən ayrılmamaq şərtilə öz oyunumuzu göstərməyə çalışacağıq. Bu matçdan müsbət nəticə ilə ayrılmalı olduğumuzu başa düşürük".
Zədədən sonra 2 oyun keçirdiyini xatırladan vinger özünü yaxşı hiss etdiyini söyləyib: "Getdikcə daha çox ritmdə olmaq üçün məşq edirəm. Mövsümün son hissəsində komandama kömək etmək üçün daim inkişaf etməyə çalışıram".
Qeyd edək ki, Dieqo Karioka bu ilin yanvarından "Sumqayıt"ın formasını geyinir.