Azərbaycan Premyer Liqasında XXVIII tura yekun vurulub.
Oxu.Az xəbər verir ki, bağlanış matçında “Sabah” “Qəbələ”ni qəbul edib.
Görüş meydan sahiblərinin qələbəsi ilə başa çatıb - 3:2.
Hesabı 9-cu dəqiqədə İlkin Qırtımovun avtoqolu ilə “Sabah” açıb. Lakin hissənin sonuna qədər “qırmızı-qaralar” Ülvi İsgəndərov və Feras Abu Akalın qolları ilə hesabda önə keçiblər.
Son dəqiqələrdə isə Coy-Lens Mikels və Aleksey Kaşukun qolları “Sabah”a 3 xal qazandıran qolları vurublar.
Xalını 65-ə çadıran “Sabah” 2-ci pillədədir. Lider “Qarabağ”dan 9 xal geri qalan “futuristlər” 3-cü “Neftçi”ni 8 xal üstələyir. 36 xalda qalan “Qəbələ” isə 4-cüdür. Qeyd edək ki, “Sabah” qələbə sayəsində ilk 3-lükdə yerini təmin edib və tarixində ilk dəfə avrokuboklara vəsiqə qazanıb.
18:12
Futbol üzrə Azərbaycan Premyer Liqasında XXVIII turun daha bir oyunu keçirilib.
Oxu.Az xəbər verir ki, günün ilk matçında “Qarabağ” “Şamaxı”nın qonağı olub.
Şamaxı şəhər stadionundakı qarşılaşma “köhlən atlar”ın qələbəsi ilə yekunlaşıb - 1:0.
Yeganə qolu 33-cü dəqiqədə Elvin Cəfərquliyev vurub.
Bu nəticədən sonra xallarının sayını 74-ə çatdıran Ağdam təmsilçisi birinci pillədə qərarlaşıb. Meydan sahibləri 20 xalla doqquzuncu sıradadır.
Qeyd edək ki, günün digər görüşündə “Sabah” “Qəbələ”ni qəbul edəcək. Turun əvvəlki oyunlarında “Sumqayıt” “Turan Tovuz”u 3:2, “Kəpəz” “Səbail”i 1:0 hesabı ilə məğlub edib. “Zirə” - “Neftçi” qarşılaşmasında isə qalib müəyyənləşməyib - 1:1.