Yenidən qurulan Mehdi Hüseynzadə adına Sumqayıt şəhər stadionunda daha bir problem aşkarlanıb.
Sumqayit.tv Rekord.az-a istinadən xəbər verir ki, söhbət stadionun ümumi havalandırılması ilə bağlıdır.
Belə ki, arenanı tikən şirkət qeyri-adi addım atıb. Stadionun bir tərəfi göy alkaponla örtülsə də, dənizə baxan hissəsi açıq saxlanılıb. Bu azmış kimi, alkaponun üzərinə də "tent" əvəzinə "jeş" vurulub. Bu isə havalandırmanı qeyri-əlverişsiz edir ki, bunun özü də birbaşa ot örtüyünə mənfi təsir göstərir. Bu cür havalandırma ilə təbii qazonu mövsüm boyu yaxşı səviyyədə saxlamaq çox çətin olacaq. Hər halda, arebaya baş çəkən ot örtüyü üzrə mütəxəssislər bunu deyib.