Dünən Qərbi Azərbaycan İcması (QAİ) Karvansaray (İcevan) rayonu Haqqıxlı kənd İcmasının futbol klubu formalaşdırılıb.
Sumqayit.tv-yə verilən məlumata görə, artıq, Haqqıxlı kənd icmasının futbol klubu ilk məşqini də edib. Məşq prosesi Sumqayıt şəhərində yerləşən Arenaların birində baş tutub.
Məşqdən əvvəl İcmanın gənc üzvüləri ilə çay süfrəsi arxasında tanışlıq xarakterli söhbət olub.  Haqqıxlı kənd İcmasının sədri İbad Mehdiyev yeni yaradılan komanda üzvlərinə, İcmanın işinə aktiv qoşulmağı tövsiyyət edib. O, bildirib ki, İcma üzvüləri təkcə komada işində deyil, bütövlükdə Qayıdış Konsepsiyasına dəstək verməlidirlər. 
Əslən Karvansaray rayonunun Haqqıxlı kəndindən olan, QAİ Sumqayıt nümayəndəliyinin sədri Ramiz İsmayılov həmkəndliləri ilə söhbət zamanı qeyd edib ki,  başladılan müqəddəs missiyanın uğurla sona çatması üçün burada əyləşən hər kəs fəallığını artırmalıdır. Çünki, Qərbi Azərbaycana qayıdış istiqamətində görülməli olan işin əsas yük məhz bizlərin, sizlərin çiynindədir. Yeni yaradılan komandaya uğurlar diləyən R.İsmayılov onlara işlərində uğurlar arzulayıb və əlavə edib ki, bu işdə üzərinə düşən dəstəyi verməyə hazırdır. 
Haqqıxlı kənd İcmasının sədr müavinləri Üzeyir Məmmədov və Elman Əliyev də gənclər qarşısında çıxış edərək onlara yeni-yeni nailiyyətlər arzulayıblar.
Xatırladaq ki, sözügedən məşq prosesinin maliyyə dəstəyini Haqqıxlı kənd İcmasının üzvü, QAİ Sumqayıt nümayəndəliyinin İdarə Heyyətinin üzvü, iş adamı Rövşən Əliyev qarşılayıb.