Sumqayıt şəhərində binalar inşa edən "Dərəçiçək" MTK-ya cərimə yazılıb.
Sumqayit.tv xəbər verir ki, buna MTK-nın yanğın təhlükəsizliyi qaydalarına riayət etməməsi səbəb olub.
Belə ki, Fövqəladə Hallar Nazirliyi (FHN) MTK barəsində İnzibati Xətalar Məcəlləsinin 518.1-ci maddəsinə əsasən cərimə protokolu tərtib edib.
Daha sonra protokol baxılması üçün Sumqayıt Şəhər Məhkəməsinə göndərilib və iş hakim Zaur Hacıyevin icraatına verilib.
Protokol tərtib olunan maddədə deyilir ki, yanğın təhlükəsizliyi standartlarının, normalarının və qaydalarının tələblərinin pozulmasına və ya yerinə yetirilməməsinə görə -  fiziki şəxslərə xəbərdarlıq edilir və ya onlar iyirmi manatdan otuz manatadək məbləğdə cərimə edilir, vəzifəli şəxslərə xəbərdarlıq edilir və ya onlar yüz manatdan yüz əlli manatadək məbləğdə, hüquqi şəxslər üç yüz əlli manatdan beş yüz manatadək məbləğdə cərimə edilir. //İqtisadiyyat.az