AFFA “Sumqayıt”ın tərcüməçisini cəzalandırdı
Sumqayit.tv xəbər verir ki, buna klub rəsmisinin Azərbaycan Premyer Liqasının XXXVI turunda baş tutan “Qəbələ” ilə matçın bərpasını ləngitdiyinə görə qırmızı vərəqə alması səbəb olub.
Ş.Abdullayev 2 oyunluq diskvalifikasiya olunub, klub 1000 manat cərimələnib. Oyun bitdikdən sonra meydana kənar şəxslərin daxil olması “gənclik şəhəri” təmsilçisini daha 800 manat ziyana salıb.
XXXVI turda baş tutan “Zirə” - “Səbail” görüşündə baş verənlərə görə hər iki klub cərimə və cəzalara məruz qalıb. Belə ki, “Zirə” klubu 4 futbolçusu sarı vərəqə aldığı üçün 700, azarkeşlərinin pirotexniki vasitələrdən istifadəsinə görə isə 1500 manat cərimələnib.
“Səbail” klubu 4 futbolçusunun sarı vərəqə görməsi səbəbindən 700, Valdemar Almeydanın ikinci sarıdan qırmızı vərəqə almasına görə isə 500 manat cərimələnib. Qarşılaşmanın 70-ci dəqiqəsində meydandan qovulan portuqaliyalı yarımmüdafiəçiyə 1 oyunluq cəza verilib.
AFFA İntizam Komitəsi həmçinin “Turan Tovuz” – “Kəpəz” oyunu bitdikdən sonra meydana kənar şəxslər daxil olduğuna görə Tovuz klubunu 800 manat cərimələyib.
30-05-2024, 17:35
102
Digər xəbərlər
