“Biz illərdir Azərbaycan üçün fədakarlıq etmişik”
Sumqayit.tv Msport.az-a istinadən xəbər verir ki, bu sözləri Azərbaycanın tanınmış qrosmeysteri Şəhriyar Məmmədyarov Londonda keçirilmiş Qlobal Şahmat Liqasında çıxışı barədə sosial şəbəkə hesabında yazıb.
Ş.Məmmədyarov bacılarının uğurunun Londondakı turnirdə yaxşı çıxış etməsində böyük rol oynadığını bildirib: “Türkan isə uzun müddət şahmatdan uzaq olsa da, yenidən qayıdıb çempion olmaq gücünü göstərdi. Onların bu nailiyyətləri mənə təsirsiz ötüşmədi. Qısacası, saysız-hesabsız medal kolleksiyamıza daha 3-ü əlavə olundu. Biz illərdir Azərbaycan üçün fədakarlıq etmişik və dövlətimiz də bizim üçün eyni qaydada fədakarlıq göstərib. Heç bir xarici qüvvə və təklif bizi bu ölkədən apara bilmədi, apara da bilməzdi. Vətənimizə olan sevgimiz hər zaman daha güclü qaldı”.
Qeyd edək ki, Şəhriyar Məmmədyarovun Qlobal Şahmat Liqasında çıxış etdiyi “Alaskan Knights” komandası finalda Teymur Rəcəbovun yer aldığı “Triveni Continental Kings” kollektivinə uduzaraq ikinci olub.
16-10-2024, 18:07
98
Digər xəbərlər
