Milli Məclisin 45 saylı Sumqayıt dördüncü seçki dairəsindən deputatı Səbinə Salmanova növbəti vətəndaş qəbulunu keçirib.
Sumqayit.tv xəbər verir ki, Sumqayıt şəhərində seçicilərlə fərdi qaydada görüşən millət vəkili, qəbula gəlmiş vətəndaşlar əsasən təhsil, məişət problemləri, işlə təminat, hüquqi və digər məsələlərlə bağlı müraciət ediblər. 
Qəbul əsnasında bir sıra məsələlər yerindəcə həll olunub. Eyni zamanda, qaldırılan bir sıra məsələlər nəzarətə götürülüb, bəzilərinin həlli istiqamətində isə tövsiyələr verilib.
Deputat vətəndaşların müraciətlərinə yüksək həssaslıqla yanaşılması barədə dövlət başçısının verdiyi tapşırıqlara uyğun olaraq, daxil olmuş vətəndaş müraciətlərinə yüksək həssaslıqla yanaşıldığını, müraciətlərin tam, hərtərəfli araşdırılaraq, onların həlli istiqamətində qanunvericiliyin tələblərinə uyğun şəkildə addımlar atıldığını diqqətə çatdırıb.