Tədbir şəhidlərin xatirəsinin bir dəqiqəlik sükutla yad edilməsi və Azərbaycan Respublikasının dövlət himninin səsləndirilməsi ilə başlayıb. Bayram tədbirində Sumqayıt şəhər İcra Hakimiyyətinin başçısı Zakir Fərəcov, millət vəkilləri, hüquq-mühafizə orqanlarının rəhbərləri, şəhid anaları, qazilər və şəhərin müxtəlif sahələrində çalışan qadınlar iştirak ediblər.

Zakir Fərəcov çıxışında Azərbaycan qadınlarının tarix boyu cəmiyyətin bütün sahələrində mühüm rol oynadığını vurğulayıb. O, Prezident İlham Əliyevin rəhbərliyi ilə qadınların fəal iştirakı üçün geniş imkanlar yaradıldığını bildirib.

Tədbirdə Sumqayıtın sosial-iqtisadi və mədəni inkişafında xidmətləri olan qadınlara fəxri fərmanlar təqdim olunub. Rəsmi hissədən sonra tanınmış müğənnilərin iştirakı ilə konsert proqramı təşkil edilib.