Sumqayıt şəhərində şəhid Coşqun Zeynallının adını daşıyan küçəyə yeni asfalt örtüyü çəkilib.

Sumqayit.tv xəbər verir ki, təmir işləri Xəzri-2 yaşayış massivində aparılıb.

Yolun bərpası Sumqayıt Şəhər İcra Hakimiyyətinin başçısı Zakir Fərəcovun göstərişləri əsasında və Sumqayıt Bələdiyyəsinin təşkilatçılığı ilə həyata keçirilib. Əraziyə texnika və işçi qüvvəsi cəlb olunaraq qısa müddətdə asfaltlama işləri tamamlanıb.

Layihənin məqsədi nəqliyyat və piyada hərəkətinin rahatlaşdırılması, eyni zamanda şəhidlərin adlarının əbədiləşdirildiyi ünvanlarda infrastrukturun yaxşılaşdırılmasıdır.

Məlumat üçün bildirək ki, Sumqayıt şəhərində abadlıq və yenidənqurma işləri çərçivəsində şəhid adlarını daşıyan küçələrin təmiri və abadlaşdırılması istiqamətində tədbirlər mütəmadi olaraq həyata keçirilir.

3-07-2025, 16:26 66