Rəqəmsal İnkişaf və Nəqliyyat Nazirliyinin tabeliyindəki Azərbaycan Yerüstü Nəqliyyat Agentliyi (AYNA) tərəfindən Sumqayıt-Quba və Lənkəran-Sumqayıt marşrut xətləri daşıyıcılar üçün müsabiqəyə çıxarılıb.

Sumqayit.tv xəbər verir ki, bu barədə AYNA məlumat yayıb.

Bildirilir ki, şəhərlərarası və şəhərətrafı müntəzəm avtobus marşrutlarında xidmətin keyfiyyətinin artırılması məqsədilə 20 marşrut xətti üzrə müsabiqə keçirilir. Sumqayıtla bağlı iki marşrut xətti aşağıdakılardır:

Sumqayıt – Quba

Lənkəran – Sumqayıt

Sənədlərin qəbulu 09 avqust 2025-ci il, saat 17:00-dək davam edəcək. Müsabiqəyə qatılan daşıyıcılar əsas avtobuslarla yanaşı, ehtiyat nəqliyyat vasitələrini də təqdim etməlidirlər.

Müsabiqəyə təqdim olunan təkliflərə aşağıdakı tarixlərdə baxılacaq:

26 avqust 2025 – Sumqayıt–Quba marşrutu üzrə;

29 avqust 2025 – Lənkəran–Sumqayıt marşrutu üzrə.

Qeyd edək ki, bu proses "Avtomobil nəqliyyatı haqqında" Qanun və Nazirlər Kabinetinin 2009-cu il tarixli qərarı əsasında təşkil olunur. Məqsəd sərnişindaşıma sahəsində təhlükəsizliyin, rahatlığın və xidmət keyfiyyətinin artırılmasıdır.

Əlavə məlumat və lotlar üzrə marşrut qrafikləri AYNA-nın rəsmi kanallarında təqdim olunur.

Dünən, 12:03 13