Azərbaycan Yerüstü Nəqliyyat Agentliyi (AYNA) tərəfindən keçirilən müsabiqədə Sumqayıt–Horadiz şəhərlərarası avtobus marşrutu üzrə qalib daşıyıcı müəyyənləşib.

Sumqayit.tv xəbər verir ki, “Kaspian Ekspress” MMC bu marşrutun qalibi elan olunub. Qurumdan bildirilib ki, marşrut xətləri mərhələli şəkildə müsabiqəyə təqdim olunur və əsas məqsəd sərnişindaşıma xidmətlərinin keyfiyyətini, təhlükəsizliyini və rahatlığını artırmaq, həmçinin təhkimetmədə şəffaflığı təmin etməkdir.

Qeyd edək ki, AYNA bu dəfə ümumilikdə 6 şəhərlərarası marşrut üzrə qalibləri açıqlayıb. Onlardan biri də Sumqayıt–Horadiz marşrutudur.