Sumqayıtda ticarət köşkü yerli sakinlərin ciddi narazılığına səbəb olub.

Sumqayit.tv Sumqayit24.az-a istinadən xəbər verir ki, əvvəllər 5-ci məhəllədə, “Ağ Ev” kimi tanınan binanın qarşısında yerləşdirilən, lakin yerli sakinlərin şikayətlərindən sonra götürülən köşk 21-ci məhəlləyə, bina 2/11-in qarşısına gətirilib.

Bu cür obyektlərin yaşayış binalarının qarşısına, xüsusilə də memarlıq baxımından önəm daşıyan tikililərinin önünə qoyulması şəhərin ümumi görüntüsünü pozur.

Sakinlər dəfələrlə aidiyyəti qurumlara müraciət etdiklərini, lakin şikayətlərinə cavab verilmədiyini deyirlər. Onlar məsələ ilə bağlı tədbir görülməsini tələb edirlər.