Sumqayıt.tv xəbər verir ki, Fövqəladə Hallar Nazirliyinin “112” qaynar xəttinə Sumqayıt şəhəri, Kimyaçılar qəsəbəsi ərazisində sursat tapılması barədə məlumat daxil olub.

Hadisə barədə məlumat daxil olan kimi FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu əraziyə cəlb olunub.

Hüquq-mühafizə orqanlarının əməkdaşları ilə birgə təhlükəsizlik tədbirləri görüldükdən sonra aparılan baxış zamanı 2 ədəd OF-350 markalı, 76 millimetrlik yivli top mərmisi aşkar edilib.

Sursatlar XRXX-nin mütəxəssisləri tərəfindən təhlükəsiz şəkildə ərazidən çıxarılaraq zərərsizləşdirilməsi üçün kənarlaşdırılıb.

Ərazidə aparılan əlavə axtarış zamanı başqa hər hansı təhlükəli və ya şübhəli əşya aşkarlanmayıb.

Dünən, 11:47 13