Sabah Sumqayıtın bir neçə mikrorayon və qəsəbəsində aparılacaq texniki işlərlə əlaqədar qaz verilişində müvəqqəti fasilə yaranacaq.

Sumqayit.tv xəbər verir ki, noyabrın 6-da saat 08:00-dan etibarən Sumqayıt şəhərinin bir neçə ərazisində qaz təchizatı dayandırılacaq.

Məlumata görə, bu, Saray körpüsü ərazisində aparılan təmir və yenidənqurma işləri ilə bağlıdır. Tikinti sahəsinə düşən qaz xətləri yenidən şəbəkəyə qoşulacağı üçün işlər başa çatanadək qaz verilişi müvəqqəti olaraq dayandırılacaq.

Qazın verilməməsi 16-cı, 17-ci, 20-ci və 21-ci mikrorayonlarda, eləcə də Corat qəsəbəsi, Corat bağları, 51 və 52-ci məhəllələr və Qurd dərəsi–Saray bağları ərazilərində yaşayan təxminən 15 min abonenti əhatə edəcək.

“Azəriqaz” İstehsalat Birliyinin Sumqayıt Qaz İstismar Sahəsindən bildirilib ki, təmir-bərpa işləri başa çatan kimi qaz təchizatı dərhal bərpa olunacaq.

Sumqayit.tv

5-11-2025, 14:01 75