Sumqayıt məhkəmələrinə yeni hakimlər təyin olunub. 
Sumqayit.tv xəbər verir ki, Prezident İlham Əliyevin imzaladığı Sərəncama əsasən Sumqayıt şəhəri üzrə məhkəmələrdə bir sıra yeni təyinatlar həyata keçirilib.
Sərəncama əsasən, Gəncə Şəhər Məhkəməsinin hakimi vəzifəsində çalışmış Asif Əmrah oğlu Əliyev vəzifəsindən azad edilərək Sumqayıt Ağır Cinayətlər Məhkəməsinin hakimi təyin edilib.
Bununla yanaşı, Xaçmaz Rayon Məhkəməsinin hakimi Vüsalə Yadigar qızı Məmmədova vəzifəsindən azad edilərək Sumqayıt Şəhər Məhkəməsinin hakimi vəzifəsinə təyin olunub.
Eyni zamanda, Sərəncama əsasən birinci instansiya məhkəmələri üzrə yeni hakim təyinatları çərçivəsində Həxiyeva Şəbnəm Səlim qızı və Quliyev Ramiz Mübariz oğlu da Sumqayıt Şəhər Məhkəməsinin hakimləri təyin ediliblər.
Bundan əlavə, hakim vəzifəsinə namizədlər sırasından Məhərrəmov Vüsal Rəfi oğlu da Sumqayıt Şəhər Məhkəməsinin hakimi təyin olunub.
Qeyd edək ki, Sərəncamın bəzi müddəaları imzalandığı gündən qüvvəyə minir, birinci instansiya məhkəmələrinə dair təyinatların bir hissəsi isə 2026-cı il yanvarın 12-dən etibarən icra olunacaq.

25-12-2025, 19:00 19