Sumqayıt şəhəri Heydər Əliyev prospekti, 19-cu məhəllə ərazisində yeni çəkilən qaz kəmərinin son nöqtəsində yol-nəqliyyat hadisəsi baş verib.

Sumqayit.tv-yə verilən məlumata görə, ərazidə aparılan qazıntı işləri zamanı təhlükəsizlik nişanı yerləşdirilsə də, “Mercedes” markalı minik avtomobili qazılan çuxura düşüb.

Hadisə nəticəsində avtomobilə maddi ziyan dəyib. İlkin məlumata əsasən, xəsarət alan olmayıb.

Qeyd olunur ki, ərazidə qaz kəmərinin çəkilişi ilə bağlı qazıntı işləri davam edir. Sakinlər yol hərəkəti iştirakçılarının təhlükəsizliyi üçün əlavə qoruyucu tədbirlərin görülməsinin vacibliyini bildirirlər.

Bu gün, 12:14 6