"Sumqayıt"ın bir qrup azarkeşi «Kapital Arena»ya gəlib.

Sumqayit.tv SPORTİNFO.Az-a istinadən bildirir ki,fanatlar komandanın məşqini izləməklə yanaşı, futbolçulardan narazılıqlarını ifadə ediblər.
Tərəfdarlar klubun və şəhərin uğurlarını düşünməyən, yaradılan şəraitə rəğmən, burada qalmaq həvəsi olmayan oyunçuların düşərgədən göndərilməsini istəyib.
Baş məşqçi Aleksey Baqa onların əksər iradları ilə razılaşıb, bununla belə, bildirib ki, mövsümün sonuna 2 ay qalmış «təmizləmə əməliyyatı» aparmaq təhlükəlidir.
Belaruslu çalışdırıcı kardinal islahatları mayın sonuna saxladığını gizlətməyib. O, indiki hada gənclərə üstünlük verməyin komandanı düşdüyü vəziyyətdən çıxarmayacağını vurğulayıb.