Bu yaxınlarda Sumqayıt şəhəri Stansiya Sumqayıt ərazisində yol-nəqliyyat hadisəsi baş vermişdi. Qəza nəticəsində həlak olan və  ağır yaralanan sərnişinlər oldu. Ərazinin təhlükəli olması burada yaşayan insanları da narahat edir. Ərazidə 60 sürəti nişan kimi qoyulsa da, bir çox hallarda buna riayət olunmur. Ələlxüsus ağır tonnajlı nəqliyyat vasitələri sürət həddini aşaraq hərəkət edir. Bu isə yol kənarında marşrut gözləyən qəsəbə sakinləri üçün real təhlükədi.
Sumqayit.tv-yə danışan qəsəbə sakinləri təhlükə barədə bunları qeyd edir: "Yol qırağında marşrut gözləyəndə istər-istəməz qorxuruq ki, maşın sürətlə gələr, sükanı "yığışdıra" bilməz, bizi vurub öldürər. Yol dar, avtomobil çox olduğundan istər-istəməz ötmə baş verir. Üstəlik, 1 zolaqlı yol olduğundan qarşı-qarşıya gələn avtomobil toqquşmaları qaçılmazdı. Yaxşı olardı ki, radar qurulardı. Yüksək sürət təhlükəsi bir qədər azalardı. Qəsəbəmizdə məktəb olmadığından övladlarımızı Sumqayıta məktəbə aparırıq. Yol təhlükəsi ilə yanaşı ərazidə dayanacaq da yoxdu. Aidiyyatı orqanlardan bu məsələlərin həllində kömək istəyirik. Ümid edirik ki, ölüm-itim olmadan bizim dərdimizə çarə tapacaqlar".