Sumqayıt Şəhər İcra Hakimiyyətinin başçısı Zakir Fərəcov 13-cü mikrorayonda növbəti səyyar qəbul keçirib. Sakinlərin müraciətləri dinlənilib, qaldırılan məsələlər aidiyyəti qurumlara yönləndirilib.
Sumqayit.tv xəbər verir ki, 13-cü mikrorayon ərazisində təşkil olunan görüşdə Şəhər İcra Hakimiyyətinin məsul əməkdaşları, aidiyyəti qurumların nümayəndələri və sakinlər iştirak ediblər.
Qəbul zamanı vətəndaşlar tərəfindən qaldırılan müxtəlif məzmunlu müraciətlər dinlənilib. Məlumata görə, müraciətlərin bir hissəsi yerində araşdırılaraq müvafiq tədbirlər görülüb, əlavə araşdırma tələb edən məsələlər isə aidiyyəti qurumlara yönləndirilib və icrası nəzarətə götürülüb.
Həmçinin sakinlərə onları maraqlandıran məsələlərlə bağlı qanunvericiliyin tələblərinə uyğun izahatlar verilib, aidiyyəti qurumlar qarşısında müvafiq tapşırıqlar qoyulub.
Qeyd olunub ki, Sumqayıt şəhərində vətəndaşlarla keçirilən səyyar qəbullar və görüşlər yerli problemlərin operativ şəkildə öyrənilməsi və həlli məqsədi daşıyır.
Şəhər İcra Hakimiyyətindən bildirilib ki, vətəndaş müraciətlərinin araşdırılması və qaldırılan məsələlərin həlli istiqamətində işlər davam etdirilir.
12-06-2026, 16:50
35
