Sumqayit.tv-in məlumatına görə, Sumqayıt şəhər Nəriman Nərimanov adına Mədəniyyət Mərkəzində pandemiya qaydalarına uyğun olaraq ikinci Qarabağ müharibəsinin şəhidi Əlizamin Mustafalının doğum gününə həsr olunan anım tədbiri keçrilib.
Tədbirdə Azərbaycanın azadlığı və ərazi bütövlüyü uğrunda canlarını fəda etmiş bütün şəhidlərin xatirəsi bir dəqiqəlik sükutla yad edildi.
Tədbiri giriş sözü ilə açan Sumqayıt şəhər İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin müdiri Tərlan Hacızadə qonaqları salamlayaraq , 44 günlük haqq savaşından  və onun Azərbaycan xalqına qazandırdığı qəlbədən bəhs edib.
Qonaqlara şəhidimizin keçdiyi həyat yolu haqqında geniş məlumat verilib.
Əlizamin Valeh oğlu Mustafalı 13.07.1997-ci il Beyləqan rayonunda doğulub. 2003-cü ildə Sumqayıt şəhər İsmət Qayıbov adına 1 nömrəli tam orta məktəbdə orta təhsilinə başlayıb. 2012-ci il də, isə 3 nömrəli peşə litseyində təhsilini davam etdirib. 2015-ci ildə hərbi xidmətə yollanıb.
Genaralımız Polad Həşimovun şəhid olması hamı kimi onu da sarsıdıb və o, könüllü olaraq hərbi komissarlığa müraciət edib. Lakin İkinci Qarabağ savaşı başlandıqdan sonra o da  torpaqlarımızın azad olunması uğrunda ölüm-dirim savaşına qatılır. 2020-ci il 29 sentyabr tarixində Ağcəbədi rayonu istiqamətindəki döyüşlərdə iştirak edir. Ə.Mustafalı oktyabrən 21- də şəhadətə qovuşub. 
Şəhidimiz ölkə başçısının sərəncamı ilə ölümündən sonra "Xocavəndin azad olunması uğrunda”, "Cəbrayılın azad olunması uğrunda”, "Füzulinin azad olunması uğrunda”, "Cəsur döyüşçü”, "İgidliyə görə", "Vətən uğrunda” medalları ilə təltif olunub.
Ə.Mustafalı ailəli idi. Ondan ailəsinə əmanət 1 qız, 1 oğul övladı qalıb.
Daha sonra tədbirə qatılan qonaqlar da şəhidimiz haqqında öz fikirkərini bildiriblər.
Tədbir iştirakçılarına şəhdin keçdiyi döyüş yoluna aid Sumqayıt Regional Mədəniyyət İdarəsinin hazırladığı videoçarx nümayiş etdirilib. 
Şəhidin anası Ülviyyə xanım övladının xatirəsin əziz tutub, gələn qonaqlara və tədbirin təşkilatçılarına öz minnətdarlığını bildirib.
Tədbir ədəbi-bədii kompazisiyalarla davam etdirilib.