Təhsildə İnkişaf və İnnovasiyalar üzrə VIII qrant müsabiqəsi çərçivəsində, 255 nömrəli məktəbdə yeni layihəyə start verildi. Layihə çərçivəsində 5-ci sinif şagirdlərinə "Khan Academy" Azərbaycanca platforması vasitəsilə riyaziyyat və həndəsə fənləri üzrə dərslər keçiriləcək. 6 ay davam edəcək bu tədris prosesi, şagirdlərin PİSA testində yüksək nəticə əldəetməsi məqsədini daşıyır. Layihədə riyaziyyat üzrə ilkin qiymətləndirmə zamanı ən zəif nəticə göstərmiş şagirdlər iştirak edirlər. Onların marağını qısa müddət ərzində cəlb edən bu tədris proqramı, riyaziyyat və həndəsə fənlərini daha maraqlı və effektiv şəkildə öyrənmələrinə şərait yaradır. Şagirdlərin ev tapşırıqları "Khan Academy" Azərbaycanca platforması üzərindən veriləcək və müəllimlər bu tapşırıqların nəticələrini asanlıqla izləyərək şagirdlərin inkişafını izləyə biləcəklər. Bu innovativ yanaşmanın, şagirdlərimizin akademik göstəricilərin də ciddi irəliləyişə səbəb olacağına inanırıq.