Sumqayıt Dövlət Universiteti ilə Oksford Universiteti “Saïd Business School” COP29 konfransı çərçivəsində “İqlim fəaliyyətində gənclərin liderliyi: Təhsil və innovasiyalar vasitəsilə dəyişikliklərin ruhlandırılması” panel müzakirəsini təşkil edəcək
“İqlim fəaliyyətində gənclərin liderliyi: Təhsil və innovasiyalar vasitəsilə dəyişikliklərin ruhlandırılması” panel müzakirəsinin məqsədi qlobal iqlim fəaliyyətinə təkan vermək üçün təhsil və innovasiyanın gənc liderləri necə inkişaf etdirə biləcəyini araşdırmaqdır. Panel iştirakçıları gənclərin dəyişikliklər üçün katalizator kimi səlahiyyətlərinin artırılması ilə bağlı fikirlərini bölüşəcəklər. Müzakirə iqlim fəaliyyətlərini təhsilə inteqrasiya etmək üçün uğur hekayələrini, çətinlikləri və strategiyaları vurğulayaraq, gələcək nəsil liderlərini ətraf mühitə mənalı və müsbət təsir göstərmək üçün ruhlandıracaq.
Noyabrın 18-də keçiriləcək Panel müzakirədə Sumqayıt Dövlət Universiteti, Oksford Universitetinin “Saïd Business School”, Burjeel Holdinq, İqlim Dəyişikliyi üzrə Qlobal Universitet Alyansı, Şiv Nadar Universitetinin nümayəndələrinin çıxışları olacaqdır.