Əzizim Ayət müəllimə! 

Sizi yubileyiniz münasibətilə böyük hörmət və sevgi ilə təbrik edirəm!

Sizin adınız təkcə müəllimliklə deyil, fədakarlıqla, şəfqətlə, işığa çevrilmiş ömürlə assosiasiya olunur. Hər bir şagirdinizin ürəyində Sizdən bir damla sevgi, bir ümid işartısı var. Çünki, Siz hər şeydən öncə dərs verdiyiniz şagirdlərə sevgi ilə yanaşmağı seçənlərdən olmusunuz.

Xüsusi təhsil sahəsində bir yol göstərən, bir çıraq yandıran, bəzən isə sadəcə dinləyən bir ürək olmuşsunuz.

Əməkdar müəllim adı – bu müqəddəs peşədə göstərdiyiniz misilsiz xidmətlərin dövlət səviyyəsində layiqli qiymətləndirilməsidir. Sizin hər addımınız, hər səylə qazandığınız nəticə şəfqət və ümidin simvoluna çevrilib.

Siz bu dünyanın bütün çətinliklərinə baxmayaraq, qəhrəman kimi davam edən, insana dəyər verən bir missiyanın daşıyıcısısınız.

Sizə möhkəm cansağlığı, bitib-tükənməyən enerjilər, ailə səadəti və ətrafınızda sizi sevən, dəyərinizi bilən insanların daim varlığını arzu edirəm!

Sizin kimi insanların varlığı bu dünyanı daha yaşanıqlı edir.

Hörmətlə, Cəmilə Fəyyaz

23-06-2025, 18:28 234