Bazar günü keçiriləcək buraxılış imtahanları Sumqayıt şəhərini də əhatə edəcək.

Sumqayit.tv xəbər verir ki, Dövlət İmtahan Mərkəzi (DİM) tərəfindən martın 15-də tam orta təhsil səviyyəsi üzrə imtahanlar təşkil olunacaq.

Məlumata görə, imtahanlar ölkənin bir sıra şəhər və rayonlarında, o cümlədən Sumqayıt (II hissə) keçiriləcək. Ümumilikdə imtahanda 62 mindən çox şagirdin iştirakı nəzərdə tutulur.

İmtahan saat 11:00-da başlayacaq, buraxılış rejimi isə saat 10:45-də başa çatacaq. Bu vaxtdan gec gələn iştirakçılar imtahan binasına buraxılmayacaq.

Şagirdlər imtahana aşağıdakı sənədlərlə gəlməlidirlər:

imtahana buraxılış vərəqəsi

şəxsiyyəti təsdiq edən sənəd

zərurət olduqda məktəbdən verilmiş fotoşəkilli arayış

DİM bildirib ki, imtahanların keçirilməsi üçün ölkə üzrə yüzlərlə bina və minlərlə nəzarətçi ayrılıb və bütün mərkəzlərdə təhlükəsizlik tədbirləri gücləndirilib.

12-03-2026, 10:52 63