Dövlət İmtahan Mərkəzi ümumi (9 illik) orta təhsil səviyyəsi üzrə buraxılış imtahanı ilə bağlı şagirdlərə müraciət edib.

Sumqayit.tv xəbər verir ki, aprelin 26-da ölkənin bir sıra şəhər və rayonlarında, o cümlədən Sumqayıt şəhərində (II hissə) 9-cu siniflər üzrə buraxılış imtahanı keçiriləcək.

DİM-dən bildirilib ki, imtahanda iştirak edəcək şagirdlər buraxılış vərəqələrini elektron qaydada çap etməlidirlər. Təhsil müəssisələri də bütün şagirdlərin buraxılış vərəqələrini əldə edə bilərlər.

Qeyd olunub ki, şagirdlər öz iş nömrələrini də elektron sistem vasitəsilə öyrənə bilərlər. Buraxılış vərəqəsini çap etmək üçün kompüterdə “Adobe Reader” proqramının quraşdırılması tövsiyə olunur.

Şəxsiyyət vəsiqəsində şəkli olmayan şagirdlər isə imtahana giriş üçün tələb olunan arayışı DİM-in rəsmi saytından yükləyə bilərlər.                      Vacib məqamlar:

1.Şagirdlər bitirdikləri məktəbin yerləşdiyi şəhər və ya rayonda imtahan verirlər.

2.Sumqayıtda imtahan iki hissəyə bölünüb. Aprelin 26-da şəhər üzrə II hissə üzrə şagirdlər imtahan verəcəklər.

3.Hansı məktəblərin II hissəyə aid olduğu barədə məlumat DİM-in rəsmi platformasında yerləşdirilib.

4.Şagirdlərə imtahana vaxtında gəlmək, buraxılış vərəqəsini və şəxsiyyəti təsdiq edən sənədi özləri ilə götürmək tövsiyə olunur.

20-04-2026, 18:12 294