Sumqayıt Dövlət Universitetinin (SDU) beynəlxalq əlaqələr üzrə prorektoru Könül Abaslı vəzifəsindən azad olunub.

Sumqayit.tv xəbər verir ki, bununla bağlı elm və təhsil naziri Emin Əmrullayev müvafiq əmr imzalayıb.

Məlumata görə, Könül Abaslı hazırda ADA Universiteti rektorunun müşaviri vəzifəsində fəaliyyətini davam etdirir. O, burada təhsilin idarə olunması istiqamətinə cavabdehlik daşıyır.

Qeyd edək ki, Könül Abaslı ali təhsilini Bakı Slavyan Universitetində alıb. O, bakalavr və magistratura təhsilini fərqlənmə diplomu ilə başa vurub.

Bildirilib ki, o, son illərdə müxtəlif ali təhsil müəssisələrində pedaqoji fəaliyyətlə məşğul olub, həmçinin Təhsil İnstitutunda müxtəlif rəhbər vəzifələrdə çalışıb.

Bu gün, 14:43 11