![](/uploads/posts/2024-06/1719509767_1718283020_418cb940-1403-47e2-b225-864747c7ff2b.jpg)
Azərbaycan Respublikası Müzəffər Ali Baş Komandan Cənab İlham Əliyevin rəhbərliyi ilə beynəlxalq əməkdaşlığın dərinləşdirilməsi və qlobal problemlərin həlli istiqamətində kifayət qədər səmərəli addımlar atmaqdadır. Ölkəmiz qeyd olunan istiqamətlər üzrə sanballı tədbirlərə ev sahibliyi edir. Müasir dünyada aktuallığı ilə seçilən məsələlərdən biri də yaşıl enerjiyə keçiddir. Azərbaycannəinki ənənəvi enerji mənbələrinə, o cümlədən bərpaolunan enerjiyə sərmayə yatıranlar üçün cəlbedici ölkədir. Bu bir daha göstərir ki, dövlətimiz yaşıl enerji gündəliyi nümayiş etdirir. Ötən ilin oktyabrında ölkəmizdə 230 meqavatlıq ilk Günəş enerjisi stansiyasının açılışı reallaşdı. Perspektivdə 10 qiqavata və 2030-cu ilədək 5 qiqavata qədər gücü əhatə edən bütün müqavilələr və anlaşma memorandumları icra olunacaqdır.
Azərbaycan dövləti uğurlu iqtisadi siyasət sayəsində öz milli enerji şəbəkəsini ötən hər gün daha da gücləndirir. Azərbaycanda yaxşı sərmayə mühiti var. “Masdar” ölkəmizin strateji tərəfdaşıdır. Həmçinin “ACWA Power” və BP sərmayədarlarımız sırasındadır. AzərbaycanRespublikası ilə işləməyi planlaşdıran digərölkələrin bir çox şirkətləri də var. Bərpaolunan enerjidən istifadəyə olduqca düşünülmüş yanaşma tətbiq edilməlidir ki, elektrik enerjisi maksimum istehsal olunsun və təbii qaza qənaət edilsin.
Müzəffər Ali Baş Komandan Cənab İlham Əliyevin21 iyun 2024-cü il tarixində Bakı Ekspo Mərkəzində Bakı Enerji Həftəsi çərçivəsində“Euronews” telekanalına verdiyi müsahibədə ölkəmizin enerji siyasəti ilə bağlı maraqlı fikirlər yer almışdı. Möhtərəm Cənab İlham Əliyev öz müsahibəsində bildirdi ki,bizsərmayədarların verdiyi mümkün qədər çox enerjini qəbul etmək iqtidarında olmalıyıq. Azərbaycanın özünə planlaşdırdığı qədər bərpaolunan enerji lazım deyil və bu səbəbdən hədəfimiz ixracdır.
Ölkə başçımız əlavə etdi ki, konfrans enerji sektorunda ölkəmizin qlobal liderliyini əks etdirir. Tədbir öncə Xəzər Neft və Qaz Sərgisi Konfransı adlanırdı. Sonra biz bərpaolunan enerji sahəsində işə başladıq və tədbir fərqli sektorları əhatə edən Bakı enerji həftəsinə çevrildi.Qısa müddət ərzində bir ölkədə hər istiqamətdə - neft, təbii qaz və indi isə yaşıl enerji sahələrində əldə edilən uğurları görə bilərik. Bakı enerji həftəsində 37-dən artıq ölkədən gəlmiş 300-dən çox nümayəndə iştirak edir. Tədbir artıq 30 ildir keçirilir. Birinci tədbir hələ 1994-cü ildə təşkil olunmuşdur. Heç də hər enerji tədbiri ABŞ Prezidentinin müraciəti şərəfinə nail olmur.
Ev sahibliyi edən ölkə kimi Azərbaycanın əsas məqsədlərindən biri birliyi və həmrəyliyi yaratmaqdır. Azərbaycan COP zamanı və ondan sonra sədrliyimiz davam edəcəyi dövrdə elə müsbət mühit qurmaq istəyir ki, ölkələr və şirkətlər bir-biri ilə istəklə işləsin və qarşılıqlı iddiaları kənara qoysunlar, planetin qorunması ilə əlaqədar əsas gündəliyə diqqət yetirsinlər.
Cavid Məmiyev
YAP Sumqayıt şəhər təşkilatının sədr müavini