Rzaqulu Quliyev və övladları – dövlətə bağlılığın nəsildən-nəslə ötürülən nümunəsi

Azərbaycan tarixində elə ailələr var ki, onların adı fədakarlıq, vətənpərvərlik və dövlətə sədaqət anlayışları ilə yanaşı çəkilir. Belə nəsillərdən biri də tanınmış həkim-pedaqoq, ictimai xadim Zərifə Quliyevanın mənsub olduğu Quliyevlər ailəsidir.

Rzaqulu Quliyev – faciədən doğan iradə və dövlətə xidmət

Zərifə xanımın atası, 1915-ci ildə Qərbi Azərbaycanın Zəngəzur mahalında anadan olmuş Rzaqulu Quliyev, uşaqlıq illərində erməni silahlı dəstələrinin törətdiyi soyqırım faciəsini yaşamışdı. Ailəsinin xilas olması uğrunda həyatını qurban verən atası Hüseyn bəy və əmisi Heydərin qəhrəmanlığı onun yaddaşında silinməz iz buraxmışdı.

Daha sonrakı illərdə dövlət təhlükəsizliyi orqanlarında çalışan Rzaqulu Quliyev peşəkarlığı, təmkinliliyi və vətənpərvərliyi ilə seçilmişdir. Onun fəaliyyəti ümummilli lider Heydər Əliyevin diqqətindən də yayınmamış, ulu öndər Rzaqulu müəllimi dövlətə sədaqətin və peşəkarlığın nadir nümunəsi kimi dəyərləndirmişdir.

Övladların şərəfli yolu

 
Rzaqulu Quliyevin övladları da atasının yolunu şərəflə davam etdiriblər:

Zərifə Quliyeva – “Modern İnkişaf və Ailə” İctimai Birliyinin sədri kimi ictimai fəaliyyət göstərmiş, xeyriyyəçilik işləri, təhsil və səhiyyə layihələri ilə seçilmişdir. Şəhid və qazi ailələrinə, gənclərə göstərdiyi dəstək, maarifləndirici kitabları və çıxışları ilə dövlətçilik və vətənpərvərlik ideyalarının təbliğinə töhfə vermişdir.

Hüseyn Quliyev – Azərbaycanın tanınmış diplomatı olaraq müxtəlif yüksək vəzifələrdə çalışmış, Özbəkistanda səfir vəzifəsini icra edərək iki ölkə arasında dostluq münasibətlərinin möhkəmlənməsinə mühüm töhfələr vermişdir.

Aidə Quliyeva – iş adamı kimi fəaliyyət göstərmiş, lakin erkən yaşlarında vəfat etmişdir. Onun xatirəsi ailə və yaxınları tərəfindən daim ehtiramla yad olunur.

Nəsildən-nəslə ötürülən dəyərlər
Quliyevlər ailəsi bir daha sübut edir ki, xalqına xidmət və dövlətə sədaqət sadəcə bir peşə deyil, bir həyat fəlsəfəsidir. Atadan övlada, nəsildən-nəslə ötürülən bu amal Azərbaycan tarixində silinməz iz qoymuşdur.
Zərifə Quliyeva və Hüseyn Quliyev bu ənənəni bu gün də yaşadaraq, ailənin şərəfli yolunu davam etdirirlər. Aidə Quliyevanın əziz xatirəsi isə ailə üzvlərinin və ictimaiyyətin qəlbində daim ehtiramla anılır.

Cəmilə Fəyyaz,
Qərbi Azərbaycan İcması Kacaran İcmasının sədri