Bakının Qaradağ rayonu ərazisində, Kənar Dairəvi yolda yol-nəqliyyat hadisəsi baş verib.
Sumqayit.tv xəbər verir ki, qəza nəticəsində yük maşını aşıb və hadisə Bakı-Sumqayıt şosesi istiqamətində nəqliyyatın hərəkətində sıxlığa səbəb olub.
Məlumata görə, hazırda polis əməkdaşları yaranmış sıxlığın aradan qaldırılması istiqamətində tədbirlər görür.
Bakıdan Sumqayıta hərəkət edən sürücülərə diqqətli olmaları və yolda yaranan sıxlığı nəzərə almaları tövsiyə olunur.
Hadisənin digər təfərrüatları barədə məlumat veriləcək.
Bu gün, 12:45
8
