Azərbaycan Yerüstü Nəqliyyat Agentliyi (AYNA) müxtəlif istiqamətlər üzrə bir sıra müntəzəm avtobus marşrutlarını müsabiqəyə çıxarır.

Sumqayit.tv xəbər verir ki, müsabiqəyə çıxarılan marşrutlar arasında Sumqayıtla əlaqəli bir neçə şəhərlərarası istiqamət də yer alıb.

Bunlar Lənkəran–Sumqayıt, Beyləqan–Sumqayıt, Yardımlı–Sumqayıt və Sumqayıt–Yardımlı marşrutlarıdır.

AYNA-dan bildirilib ki, müsabiqə “Avtomobil nəqliyyatı haqqında” qanuna və Nazirlər Kabinetinin müvafiq qərarına uyğun təşkil olunur. Məqsəd sərnişindaşıma sahəsində xidmət keyfiyyətinin, təhlükəsizliyin və rahatlığın artırılmasıdır.

Məlumata görə, sənədlər 6 iyun 2026-cı il saat 17:00-dək qəbul ediləcək. Sumqayıt istiqamətlərini əhatə edən lotlar üzrə təkliflərə isə iyunun 23-də baxılması planlaşdırılır.

Qeyd edilib ki, müsabiqədə əsas avtobuslarla yanaşı, ehtiyat nəqliyyat vasitələri də təqdim olunmalıdır.