Fövqəladə Hallar Nazirliyi (FHN) ötən həftə ərzində baş verən hadisələrlə bağlı statistik məlumat yayıb.

Sumqayit.tv xəbər verir ki, FHN-in “112” qaynar telefon xəttinə daxil olan müraciətlər əsasında nazirliyin aidiyyəti qurumları tərəfindən 139 yanğın hadisəsinə çıxış həyata keçirilib.

Bundan əlavə, 24 halda köməksiz vəziyyətdə qalma və 5 yol-nəqliyyat hadisəsi ilə bağlı qəza-xilasetmə əməliyyatları aparılıb.

Nazirlikdən bildirilib ki, həyata keçirilən operativ tədbirlər nəticəsində yanğınların qarşısı alınıb, insanların həyatının xilas olunması təmin edilib.

Ümumilikdə, ötən həftə ərzində FHN qüvvələri tərəfindən 12-si azyaşlı olmaqla 32 nəfər xilas edilib, 12 nəfər təxliyə olunub. Hadisələr zamanı 2 nəfər tüstüdən zəhərlənib, 1 nəfər xəsarət alıb, 8 nəfərin meyiti aidiyyəti üzrə təhvil verilib.

11-05-2026, 13:24 234