Bakının Binəqədi rayonu ilə yanaşı, Sumqayıt şəhəri və Abşeron rayonunun bəzi ərazilərində suyun verilişində müvəqqəti fasilə yaranacaq.

Sumqayit.tv xəbər verir ki, bu barədə Azərbaycan Dövlət Su Ehtiyatları Agentliyinin İri Şəhərlərin Birləşmiş Su Təchizatı Xidməti məlumat yayıb.

Məlumata görə, fasilə magistral su xəttinin qəzalı hissəsinin dəyişdirilməsi və yeni siyirtmələrin quraşdırılması ilə əlaqədar aparılan işlər səbəbindən baş verəcək.

Bildirilib ki, suyun verilişində yaranacaq fasilə mayın 14-ü səhər saatlarından başlayaraq mayın 16-sı günorta saatlarınadək davam edəcək.

Qurum qeyd edib ki, həyata keçirilən işlər su təchizatının daha operativ və dayanıqlı idarə olunmasına xidmət edir.

13-05-2026, 14:56 532