Azərbaycanda “satmaq öhdəliyi ilə kirayə” mexanizmi çərçivəsində indiyədək 9 526 kirayə müqaviləsi rəsmiləşdirilib.
Sumqayit.tv xəbər verir ki, bu barədə İpoteka və Kredit Zəmanət Fondunun məlumatında qeyd olunub.
Bildirilib ki, layihə çərçivəsində Bakı və Sumqayıt şəhərləri, həmçinin Abşeron rayonu üzrə ümumilikdə 17 müxtəlif ünvanda mənzillər vətəndaşların seçiminə təqdim edilib.
Məlumata görə, mənzil şəraitini yaxşılaşdıran şəxslərin təxminən 70 faizini gənclər və gənc ailələr təşkil edir.
Qeyd olunub ki, şəffaflığın və vətəndaş rahatlığının təmin olunması məqsədilə müraciət prosesi tam rəqəmsallaşdırılıb. Bütün əməliyyatlar Elektron Hökumət İnformasiya Sisteminə inteqrasiya olunmuş Elektron İpoteka və Kredit Zəmanət Sistemi vasitəsilə həyata keçirilir.
15-05-2026, 16:54
198
