Sumqayıtda müşahidə olunan güclü yağışdan sonra şəhərin bəzi mərkəzi küçələrində hərəkət çətinləşib.

Sumqayit.tv-yə göndərilən görüntülərdə yolların iri gölməçələrlə örtüldüyü, nəqliyyatın hərəkətində problemlərin yarandığı əks olunub.

İzləyicinin sözlərinə görə, şəhər daxilində cəmi bir neçə kilometrlik məsafəni qət etmək üçün uzun müddət gözləməli olub.

“2-3 kilometrlik yolu artıq 40 dəqiqədir gəlirəm, amma hələ də mənzil başına çatmamışam”, – deyə vətəndaş bildirib.

Sakinlər yaranan vəziyyətin şəhərin kanalizasiya sistemindəki problemləri bir daha ortaya qoyduğunu qeyd edirlər.

Məsələ ilə bağlı aidiyyəti qurumların mövqeyini dərc etməyə hazırıq.

Bu gün, 20:08 26