Türkiyə Sənayeçi İş Qadınları və İş Adamları Konfederasiyasının (SANKON) Azərbaycan nümayəndəliyində yeni kadr təyinatı həyata keçirilib.
Sumqayit.tv xəbər verir ki, Geodeziya mühəndisi və sahibkar Vüqar Arazov nümayəndəlikdə müavin vəzifəsinə qəbul olunub.

Beynalxalq sertifiaktlı mühəndis olan V.Arazov uzun illərdir ki, Azərbaycanın mühəndislik və geodeziya sektorunda fəaliyyət göstərir. O, hazırda Azərbaycan Geodeziya və Geomatika Mühəndislər İctimai Birliyinin icraçı direktoru, FİG - Beynəlxalq Geodeziya Federasiyasının Azərbaycan nümayəndəsi, eləcə də "Coordinat Group" MMC-nin təsisçisi kimi fəaliyyətini davam etdirir.

Yeni təyinatın əsas məqsədi Türkiyə və Azərbaycan arasında iqtisadi, sənaye və mühəndislik sahələrində əməkdaşlığın daha da genişləndirilməsi, iş adamları arasında əlaqələrin möhkəmləndirilməsi və birgə layihələrin inkişafına töhfə verməkdir.

SANKON Azərbaycan nümayəndəliyi Vüqar Arazovun peşəkar təcrübəsinin və beynəlxaq əlaqələrinin qurumun fəaliyyətinə mühüm töhfə verəcəyinə inanır. Onun xüsusilə tikinti, infrastruktur, geodeziya və sənaye sahələrindəki fəaliyyəti gələcək əməkdaşlıq layihələri baxımından əhəmiyyətli hesab olunur.

Qeyd edək ki, SANKON Türkiyə və Azərbaycan arasında biznes əlaqələrinin inkişafı, sahibkarların beynəlxalq platformalarda təmsil olunması və iqtisadi tərəfdaşlığın gücləndirilməsi istiqamətində fəaliyyət göstərən nüfuzlu təşkilatlardan biridir.

Bu gün, 18:20 11