Gürcüstana səfər etməyi planlaşdıran sərnişinlər üçün yeni tələb açıqlanıb.
Sumqayit.tv xəbər verir ki, Azərbaycan Dəmir Yollarının (ADY) yaydığı məlumata görə, Gürcüstanın "Turizm haqqında" qanununa əsasən, 2026-cı il yanvarın 1-dən etibarən ölkəyə daxil olan hər bir şəxs sağlamlıq və ya bədbəxt hadisə sığortasına malik olmalıdır.
Bildirilib ki, sığorta sənədi ingilis və ya gürcü dilində, həm çap, həm də elektron formada təqdim edilə bilər. Sığortanı istənilən sığorta şirkətindən almaq mümkündür.
ADY həmçinin xatırladıb ki, Azərbaycanla vizasız gediş-gəliş rejimi olmayan ölkələrin vətəndaşlarının dəmir yolu ilə Gürcüstana səfərinə icazə verilmir.
Yeni qaydanın 2026-cı il yanvarın 1-dən qüvvəyə minəcəyi bildirilib.
Bu gün, 14:46
9
