Ötən ilin sentyabrından dayandırılan Xırdalan–Sumqayıt istiqamətində qatarların hərəkətinin nə vaxt bərpa olunacağına aydınlıq gətirilib.

Məlum olduğu kimi, sərnişin daşımaları Pirşağı–Novxanı–Xırdalan avtomobil yolunun tikintisi çərçivəsində mövcud dəmir yolu xəttinin altından yeni avtomobil tunelinin inşasına görə müvəqqəti dayandırılmışdı.

Sumqayit.tv  Bizim.media-a istinadən xəbər verir ki,Azərbaycan Avtomobil Yolları Dövlət Agentliyindən bildirilib ki, hazırda tunelin tikintisində son tamamlama işləri aparılır. Qurum qeyd edib ki, dəmir yolu xətti üzrə tikinti işləri artıq başa çatdırılıb.

"Azərbaycan Dəmir Yolları" QSC-dən isə bildirilib ki, hazırda Xırdalan–Sumqayıt sahəsində yol infrastrukturuna baxış keçirilir. Bununla yanaşı, bu istiqamətdə istismara veriləcək yeni reyslər üçün nəzərdə tutulan qatarların təmiri davam etdirilir.

Qurumun məlumatına görə, bütün texniki və hazırlıq işləri yekunlaşdıqdan sonra Xırdalan–Sumqayıt istiqamətində sərnişin daşımaları yenidən bərpa olunacaq

2-07-2026, 19:17 80