Sumqayıt şəhər Gənclər və İdman Baş İdarəsinin təşkilatçılığı ilə mövcud pandemiya qaydalarına uyğun olaraq Heydər Əliyev Mərkəzində 2021-ci il "Nizami Gəncəvi  ili”-nə həsr olunmuş breyn-rinq formatında "Sirlər Xəzinəsi" adlı bilik yarışı keçirildi.

Sumqayit.tv xəbər verir ki, Yarışın keçirilməsində məqsəd Azərbaycan Respublikasının Prezidenti cənab İlham Əliyevin 05 yanvar 2021-ci il  "Nizami Gəncəvi İli” elan edilməsi haqqında  sərəncamından irəli gələn məsələlərin həlli, Nizami irsinin, yaradıcılığının  geniş təbliği, gənclərin dünya görüşünü, intellektual səviyyəsini, zehni inkişafını stimullaşdırması, onlar arasında sağlam elmi rəqabət mühitinin yaradılması və asudə vaxtlarını səmərəli təşkil edilməsidir.
Yarışda şəhərin müxtəlif sahələrini təmsil edən 16-25 yaşarası gənclərdən ibarət komandalar  iştirak etmişdir. 
Bilik yarışının yekun nəticəsinə əsasən  I yeri Qızıl Aypara Cəmiyyətinin "Aypara”,  II yeri  Gənclərin İnkişaf və Karyera Mərkəzinin şəhər nümayəndəliyinin "Super Nova”, III yeri isə 11 və 41 nömrəli tam orta məktəblərin  "Golden” və "Zəfər” komandaları  tutmuşdur. 
Qalib komandalar Baş İdarənin kubok, fəxri fərman, medal və hədiyyələri ilə təltif edilmişdir.