Suriya hökuməti Dəniz və Quru Limanları İdarəsi ilə Fransanın nəhəng CMA CGM logistika şirkəti arasında limanların idarə olunması ilə bağlı razılaşma imzalayıb. Sumqayit.tv xarici KİV-lərə istinadən xəbər verir ki, beləliklə, rəsmi Dəməşq uzun müddətdir özünə qarşı ən sərt mövqedə dayanan ölkələrdən biri olan Fransaya dəniz limanlarının istismarını həvalə edib.

Qeyd edək ki, Fransa əvvəllər Suriyanın şimalında fəaliyyət göstərən Heyət Təhrir əş-Şam (HTŞ) qruplaşmasının ən ciddi əleyhdarlarından biri olub. Bundan əlavə, Fransanın "Lafarge" sement şirkətinin həm DEAŞ (İŞİD), həm də PKK-PYD terror təşkilatlarına ciddi logistik dəstək verdiyi iddiaları beynəlxalq medianın gündəmində olmuşdu.

Digər tərəfdən, Suriyada formalaşmaqda olan yeni rəhbərlik Türkiyə ilə sərbəst ticarət sazişi bağlanması məsələsində hələlik yekun qərar verməyib. Müşahidəçilər bu gedişatın regionda siyasi-iqtisadi balanslara ciddi təsir edəcəyini bildirirlər.