Böyük Britaniyanın əhalinin müdafiəsi üzrə naziri Cess Fillips istefa verib.

Sumqayit.tv xəbər verir ki, o, istefa qərarını Baş nazir Kir Starmerə ünvanladığı məktubda açıqlayıb. Fillips məktubunda Starmeri “əsasən doğru şeylərin qayğısına qalan yaxşı insan” adlandırsa da, bunun kifayət etmədiyini bildirib.

Nazir qeyd edib ki, Leyboristlər hökumətinin uğurlu olmasını istəsə də, ölkədə gözlədiyi dəyişiklikləri görmür:

“Hazırkı hökumətin rəhbərliyi altında nazir kimi işləməyə davam edə bilmərəm”, – deyə o vurğulayıb.

Qeyd edək ki, bundan əvvəl də Miatta Fanbulle Böyük Britaniyanın mənzil tikintisi, icmalar və yerli özünüidarəetmə nazirinin parlament üzrə müavini vəzifəsindən istefa vermişdi.

12-05-2026, 18:01 211