ABŞ-nin müstəqilliyinin 250 illiyi münasibətilə üzərində Prezident Donald Trampın şəkli olan məhdud sayda xüsusi pasportların verilməsinə başlanılır.
Sumqayit.tv xəbər verir ki, bu barədə ABŞ Dövlət Departamenti məlumat yayıb.
Bildirilib ki, yubiley münasibətilə hazırlanan xüsusi dizaynlı pasportların təqdimatına iyulun 6-dan etibarən Vaşinqton şəhərində start veriləcək.
Məlumata görə, məhdud seriyalı pasportların dəqiq sayı açıqlanmasa da, əvvəllər onların təxminən 40 min nüsxə olacağı bildirilirdi. ABŞ vətəndaşları bu pasportları yalnız Vaşinqtonda xüsusi müraciət əsasında əldə edə biləcəklər. Yeni sənədin alınması könüllü xarakter daşıyır və bunun üçün əlavə ödəniş tələb olunmayacaq.
Qeyd edək ki, xüsusi pasportun daxili dizaynında ABŞ İstiqlaliyyət Bəyannaməsinin mətni fonunda Donald Trampın portreti və imzası, həmçinin 1776-cı il iyulun 4-də Bəyannamənin imzalanmasını əks etdirən rəsm təsviri yer alacaq.
Bu gün, 12:58
7
