...1974-ilin noyabrında Vladivostok şəhərində Leonid Brejnev və ABŞ prezidenti Cerald Ford arasında görüş baş tutur. Nüvə silahlarının məhdudlaşdırılması müzakirə olunan və bir neçə gün davam edən görüşün sonunda Brejnev Fordun kürkü ilə maraqlanır. Ford kürkün Alyaska canavarlarının dərisindən hazırlandığını deyir. Brejnev "Alyaska? Deməli bizimkidir" deyir (Alyaska əvvəllər Rusiya imperiyasının tərkibində olub). Üzə düşən Ford kürkünü Brejnevə bağışlamalı olur.

Deyilənlərə görə, görüşün ilk günü Brejnevin beyin damarlarının spazması baş verir. Həkimlər ona danışıqlar dayandırmasını və istirahət etməsini məsləhət görürlər. Amma sovet lideri məsləhətə əməl etmir. Üstəlik, Fordla görüşdən sonra Monqolustan Xalq Respublikasının 50 illik yubileyində iştirak etmək üçün Ulan-Batora yola düşür. İddialara görə, məhz bu hadisədən sonra Brejnevin səhhətində geriləmə başlayır və xüsusən əqli qabiliyyəti xeyli zəifləyir.