Sabahın hava proqnozu açıqlandı: Bu bölgələrdə yağış və dolu gözlənilir

Sumqayit.tv xəbər verir ki, Milli Hidrometeorologiya Xidmətinin məlumatına görə, iyunun 30-da Bakıda və Abşeron yarımadasında hava dəyişkən buludlu olacaq, əsasən yağmursuz keçəcək.

Lakin axşam saatlarında bəzi şəhərətrafı ərazilərdə qısamüddətli yağış yağacağı və şimşək çaxacağı ehtimal olunur. Cənub-qərb küləyi axşam saatlarında şimal-qərb küləyi ilə əvəzlənəcək.

Paytaxtda havanın temperaturu gecə 18-20°, gündüz isə 25-29° isti olacaq.

Rayonlarda isə hava əsasən yağmursuz keçsə də, səhər saatlarından etibarən şimal və qərb rayonlarında bəzi yerlərdə yağış yağacağı gözlənilir. Ayrı-ayrı ərazilərdə yağıntının intensiv olacağı, şimşək çaxacağı, dolu düşəcəyi, axşam saatlarında isə yağıntının güclənəcəyi ehtimal edilir.

Havanın temperaturu rayonlarda gecə 16-20°, gündüz 28-33°, dağlıq ərazilərdə isə gecə 8-13°, gündüz 17-22°, bəzi yerlərdə 23-28° isti olacaq.

Bu gün, 13:19 6