Son günlər Bakı və Sumqayıtın bəzi ərazilərində qurbağaların kütləvi şəkildə görünməsi sakinlərin narahatlığına səbəb olub.

Sumqayit.tv Oxu.az-a istinadən xəbər verir ki, xüsusilə Bakı şəhərinin Maştağa və Ramana qəsəbələri, Abşeron rayonunun Novxanı və Saray qəsəbələri, eləcə də Sumqayıtın Yaşma bağları və Qurd dərəsi ərazilərində həyətlər, küçələr və boş sahələr çoxsaylı qurbağalarla dolub.

Biologiya üzrə fəlsəfə doktoru Gülbəniz Qasımovanın sözlərinə görə, bu halın əsas səbəbi yaz və yay aylarında yağıntıların çox olmasıdır. Yağışlar nəticəsində yaranan gölməçələr qurbağaların kürülərinin inkişafı üçün əlverişli şərait yaradıb və minlərlə bala qurbağa əmələ gəlib.

Mütəxəssis bildirib ki, hazırda müşahidə olunanlar əsasən naxışlı quru qurbağasının bala fərdləridir və onların yağışlardan sonra kütləvi şəkildə görünməsi təbii prosesdir.

Qeyd olunub ki, bu qurbağalar insanlar üçün təhlükə yaratmır və onların sayını təbiətdə mövcud olan təbii mexanizmlər tənzimləyir.

Bu gün, 14:16 8