Sumqayıt şəhərində yerləşən aptekin anbarında və yük avtomobilində külli miqdarda qanunsuz dərman vasitələri aşkarlanıb.
Sumqayit.tv xəbər verir ki, bu barədə Dövlət Gömrük Komitəsi məlumat yayıb.
Bildirilib ki, Dövlət Gömrük Komitəsinin Əməliyyat-İstintaq Baş İdarəsi və Bakı Baş Gömrük İdarəsinin Əməliyyat və Təhqiqat İdarəsinin əməkdaşları tərəfindən keçirilən kompleks əməliyyat-axtarış tədbirləri nəticəsində qanunsuz yolla ölkəyə gətirilmiş dərman vasitələrinin realizə edilməsinin qarşısı alınıb.
Əməliyyat zamanı Sumqayıt şəhərində yerləşən aptekin anbarından və yük avtomobilindən dövlət qeydiyyatından keçməyən 251 adda, ümumilikdə 44 min 335 ədəd dərman vasitəsi aşkar edilib.
Müsadirə olunan dərman preparatlarının konvolyut, ampul və flakon formasında olduğu bildirilib.
Faktla bağlı araşdırmalar davam etdirilir.
Bu gün, 12:19
14
