Sumqayıt şəhərinin Corat qəsəbəsində dənizdə bədbəxt hadisə baş verib.
Sumqayit.tv xəbər verir ki, Fövqəladə Hallar Nazirliyinin (FHN) məlumatına əsasən, hadisə ən yaxın xilasetmə məntəqəsindən təxminən 900 metr aralıda yerləşən nəzarətsiz ərazidə qeydə alınıb. İlkin məlumata görə, iki nəfər dənizdə batma təhlükəsi ilə üzləşib.
Məlumat daxil olan kimi FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri əraziyə cəlb olunublar.
Keçirilən operativ xilasetmə əməliyyatı nəticəsində 2004-cü il təvəllüdlü Murad Azad oğlu Yarıyev xilas edilib.
Digər şəxsin – qadın cinsli vətəndaşın meyiti isə dalğıclar tərəfindən sudan çıxarılaraq aidiyyəti üzrə təhvil verilib.
Faktla bağlı araşdırma aparılır.
Bu gün, 17:53
6
